لان انت والمريض يا هيخف يا مش هيخف ، انت مش بتشتغل موظف وبتقضي وقت مع شوية ورق وخلاص
وبالتالي الموضوع ده محتاج مهارات كتير ، والمهارات دي هي هي نفسها اللي انت هتدرب المريض عليها غالبا ، فلو هي مش عندك ، مش هتكون معالج فعال.
المهارات دي زي ايه ؟
- الاستماع الفعال أو النشط
ازاي تسمع وتطلع المفيد من الكلام الكتير
- الاتزان الانفعالي : ازاي تحافظ على انفعالاتك تحت الظروف المختلفة.
- مهارات التفكير واتخاذ القرار : علشان تعرف تستخدم انهي فنية علاجية امتى.
- مهارات المناقشة وادارة الحوار: لان شغلك كله قائم على المناقشة.
- المهارات الوجدانية زي التقبل والتعاطف والمؤازرة
- مهارات الذكاء الاجتماعي: ما ينفعش تبقى اخصائي نفسي ، وانت عامل مشاكل مع الناس اللي حواليك طول الوقت
- مهارات الفحص النفسي: اللي هيلخيك تطلع من كلام المريض العام باستنتاجات دقيقة.
-مهارات البحث العلمي: لان كل يوم في جديد في الطب النفسي
في بقى مهارات تانية مالهاش علاقة مباشرة بالعلاج النفسي ، لكنها مهمة جدا لنجاحك ولتحقيق اهدافك
- اللغات : الانجليزي على الاقل لازم تطور نفسك فيه
- الكمبيوتر: على الاقل استخدام البرامج الاساسية ، وورد باور بوينت اكسل ، انترنت
كل مهارة من دول انت ممكن تلاقي عليها تدريبات كتير على الانترنت ، مجانية.
إذهب إلى المقال التالي من هنا "الخبرة"
إرجع إلى المقال السابق من هنا "العقلية"
